Hogoshti bëhet me stadium të ri bashkëkohor
Në Hogosht të Kamenicës ka nisur rindërtimi i stadiumit historik të KF Kika.
Lajmin është publikuar në faqen zyrtare të MKRS-së, duke iu referuar postimit të ministrit Ceku.
“Në vitet e 90-ta, kur regjimi i Millosheviqit po bëhej gjithnjë më i egër e sporti kosovar kishte shpallur pavarësinë, Hogoshti ishte shndërruar në epiqendër të rezistencës përmes futbollit. Ky vend plot histori tani do të ketë stadiumin e ri me kushte moderne. Për këtë kemi ndarë 2.1 milionë euro”, ka shkruar Ceku, njofton faqja e MKRS-së.
Me vendosmëri po e jetësojmë planin tonë pesë vjeçar për konsolidimin e infrastrukturës së futbollit, ka shtuar më tej Ceku.
