Hiti i verës erdhi!/ Vëllezërit Prifti zbulojnë surprizën, publikohet kënga e re “Lozonjare”
Dy yjet e muzikës shqiptare, Endri dhe Stefi Prifti, kanë zbuluar surprizën për të gjithë fansat dhe dëgjuesit e muzikës së mirë.
Kënga e re e sapopublikuar mban titullin “Lozonjare” dhe është një bashkëpunim me një tjetër këngëtar që në fakt jeton në Kanada, Land Korçari.
Kënga është e shoqëruar me një videoklip, në të cilin ka marrë pjesë edhe Miss Shqipëria 2022, Drita Ziri.
Autori i këngës, teksti dhe muzika janë një magji e krijuar nga kompozitori i mirënjohur Adrian Hila.
Pra, nuk kishte si të mungonte një hit veror nga mjeshtrat e muzikës së vërtetë dhe dy prej zërave më të bukur.
Endri dhe Stefi Prifti numërojnë me dhjetëra hite në repertorin e tyre muzikor.
Këngët dhe zëri i tyre janë një xhevahir në muzikën shqiptare.
Ndiqni dhe shijoni këngën e re shoqëruar me klip të Endri dhe Stefi Priftit duke klikuar në videon e mëposhtme.
Endri dhe Stefi Prifti kanë marrë pjesë në shumë festivale muzikore ku dhe janë vlerësuar me çmime.
Në Dhjetor të vitit 1994, Stefi dhe Endri Prifti morën pjesë në Festivalin e 33-të në RTSH me këngën “Fati në udhëkryq”.
Në Nëntor të vitit 2007, Endri dhe Stefi së bashku me Çiljeta Xhilagën morën pjesë në Këngën Magjike 2007 me këngën “Kur këndoj serenatë”.
Më pas në në dhjetor 2008, Stefi dhe Endri Prifti morën pjesë në Festivalin e 47-të në RTSH me këngën “Ti bëre faj”.
Në Dhjetor të 2009, vëllezërit korçarë morën pjesë në Festivalin i 48-të në RTSH me këngën “U dogja mrekullisht”.Në vitin 2010 ata publikuan albumin e tyre “Dua të më tregosh…”.
Në Qershor të 2011, Endri Prifti merr pjesë në Top Fest 8 me këngën “Do Vazhdoj Te Flas”.
Në Dhjetor 2011, dyshja morën pjesë në Festivalin e 50-të në RTSH me këngën “Iluzion”.
Në Nëntor 2013, moën pjesë në Këngën Magjike 2013 me këngën “Jepe”, në bashkëpunim me Crazy Band.
Në Mars 2014, Stefi dhe Endri Prifti morën pjesë në “Kënga ime 2014” me këngën “Harroje”.
Në Maj 2014, ata u bënë pjesë e Top Fest 11 me këngën “Ti S’e Meriton”.
Në Mars të 2014, Stefi dhe Endri kënduan në “Kenga ime 2014” “Korçare”.
Më datë 29 Korrik 2014, Xhensila Myrtezaj dhe vëllezërit Prifti publikojnë videoklipin “Vespa”.Teksti u shkrua nga Endrit Mumajesi. Videoklipi u prodhua nga Pro Video. Me këtë këngë, Xhensila dhe vëllezërit korçarë morën pjesë në “Netët E Klipit Shqiptar 14” në vitin 2015.
Në Nëntor 2014, garuan në Kënga Magjike 2014 me këngën “Mamen Ti Mos E Genje”.
Në Shtator 2015, Endri Prifti merr pjesë në Kënga Magjike 2015 me këngën “Kenga E Fundit”.
Më datë 2 Dhjetor 2016, në bashkëpunim me Aleksandër Gjokën publikojnë videoklipin “Jeta Ime”.
Në Shtator 2016, Stefi Prifti & Endri Prifti marrin pjesë në Kënga Magjike 2016 me këngën “Per Ty”.
Më datë 13 Korrik 2017, Stefi dhe Endri Prifti publikojnë videoklipin “Jemi Dy”. Muzika e këngës u punua nga Stefi Prifti, Endrit Shani, teksti u shkrua nga Pandi Laço, ndërsa për orkestrimin u kujdes Endrit Shani.
Më datë 26 Gusht 2017, ata publikuan videoklipin “Bej Qejfin Tamam”. Muzika e këngës u punua nga Endri Prifti, Stefi Prifti, teksti u shkrua nga Pandi Laço, ndërsa për orkestrimin u kujdes Gent Myftaraj.
Më datë 15 Nëntor 2017, publikuan videoklipin “Ty Te Desha, Ty Te Dua”. Muzika e këngës u punua nga Endri Prifti, Stefi Prifti, teksti u shkrua nga Endri Prifti.
Në Tetor 2017, morën pjesë në “Kënga Magjike 2017” me këngën “E Prek Magjine”.
Në Dhjetor 2017, u bënë pjesë e Festivalit të 56-të në RTSH me këngën “Mesazh”.
Më datë 13 Qershor 2018, Stefi Prifti & Endri Prifti publikojnë videoklipin “Emigranti”. Muzika e këngës u punua nga Endri Prifti, teksti u shkrua nga Endri Prifti, ndërsa për orkestrimin u kujdes Endrit Shani.
Më datë 24 Korrik 2018, Eli Malaj publikon videoklipin “Jare A Korçare”, në bashkëpunim me Endrin dhe Stefin.
Më datë 24 Prill 2019, Endri Prifti publikon videoklipin “Trëndafili Fshihet Nën Gjethe”. Muzika dhe teksti i këngës u punuan nga vetë ai.
Më datë 27 Korrik 2019, Stefi dhe Endri Prifti publikojnë videoklipin “Kur Jemi Bashke”, në bashkëpunim me Maria Priftin. Muzika e këngës u punua nga Gjergj Leka, ndërsa për orkestrimin u kujdes Endrit Shani.
Në Shtator 2019, Stefi dhe Endri Prifti marrin pjesë në Kënga Magjike 2019 me këngën “Zemra Ime Është Gjallë”.
Më datë 24 Tetor 2019, Burn publikojnë videoklipin “Mendoj Për Ty”, në bashkëpunim me Endri dhe Stefin. Muzika e këngës u punua nga Stivart Cela.
Më datë 25 Dhjetor 2019, Bruno Revolt publikon videoklipin “Gjetsh Belanë”, në bashkëpunim me Endrin dhe Stefin.
Më datë 1 Gusht 2020, Stefi dhe Endri Prifti publikojnë videoklipin “Digje Sonte”, në bashkëpunim me Biggie X. Muzika e këngës u punua nga Gent Myftaraj, ndërsa teksti u shkrua nga Pandi Laço.
Më datë 12 Gusht 2020, Herbert, Endri dhe Stefi publikojnë videoklipin “A Ja Ja Jaj”, në bashkëpunim me Gertën.
Më datë 14 Shkurt 2021, Gena, Endri dhe Stefi publikojnë videoklipin “I Kam Vene Kapak”. Muzika dhe teksti i këngës u punuan nga Gena.
Në Qershor 2021, Gena, Endri & Stefi marrin pjesë në Netët E Klipit Shqiptar 21 me këngën “I Kam Vene Kapak”.
Më pas në muajin Dhjetor 2021, Endri dhe Stefi Prifti marrin pjesë në Festivalin e 60-Të Në Rtsh me këngën “Triumfi i Jetes”.
Më datë 23 Maj 2022, ata publikuan videoklipin “Me E Mira”. Muzika e këngës u kompozua nga Endri Muçaj, tekstin e kanë shkruar bashkë Endri Muçaj & Stefi Prifti, ndërsa për orkestrimin u kujdes Endrit Shani.
Më datë 18 Gusht 2022, Ylli Baka publikoi videoklipin “Kujt Ja Ben Me Sy”, në bashkëpunim me Endri dhe Stefi Priftin. Kënga u kompozua nga Mario Bregu, ndërsa tekstin e kanë shkruar së bashku Jorgo Papingjin dhe Ylli Bakën.
