KRU “Hidromorava”, nënshkruan grantin 11 milonë euro për impiantin e ujërave të zeza
Kompania Rajonale e Ujësjellësit «Hidromorava» do të përfitojë grant 11 milionë euro për të ndërtuar impiantin e ujërave të zeza dhe për të rehabilituar kanalizimin në rajonin e Gjilanit.
Kështu është bërë e ditur në faqen zyrtare në rrjete sociale të kësaj kompanie, ndërsa njoftimi është ilustruar me paraqitje grafike, gjegjësisht me fotografi adekuate nga akti i të nënshkrimit të marrëveshjes së Kryeshefit Ekzekutiv të KRU Hidromorava, Ymer Salihu me zëvendësministrine Ministrisë së Ekonomisë, Getoar Mjeku.
Nj o f t i m i
Kompania Rajonale e Ujësjellësit «Hidromorava» do të përfitojë grant 11 milionë euro për të ndërtuar impiantin e ujërave të zeza dhe për të rehabilituar kanalizimin në rajonin e Gjilanit.
Me kryeshefin ekzekutiv të ndërmarrjes, Ymer Salihu, nënshkruam sot marrëveshjen e mirëkuptimit që përcakton përgjegjësitë dhe shfrytëzimin e mjeteve për realizimin e projektit, i cili financohet me kredi nga Banka Evropiane për Investime.
Projekti do t’u shërbejë 110 mijë banorëve të qytetit të Gjilanit dhe viseve përreth, duke mbrojtur mjedisin, burimet ujore dhe shëndetin publik. Investimi i planifikuar do të ulë dukshëm sasinë e ujërave të zeza që derdhen drejtpërdrejt në lumenjtë e rajonit.
KRU Hidromorava është një nga shtatë ndërmarrjet rajonale të ujësjellësit dhe kanalizimit, në pronësi të Republikës së Kosovës. Ajo ka mbyllë vitin 2022 me bilanc pozitiv.
