Grupi G – Grupi i vdekjes, Zvicër vs Serbi ndeshje për infarkt
Xhiroja e fundit është jashtëzakonisht e vështirë për të gjitha skuadrat, përfshirë edhe ato të grupit G.përveç Brazilit në këtë grup, që tashmë ka siguruar plasmanin në 1/8 e finales së Botërorit “Katar 2022”.
Padyshim se ndeshja Serbi – Zvicër pritet me shumë interesim dhe emocione. Kjo pasi këto dy ekipe përfaqësuese kanë logaritë e hapura nga botërori i kaluar “Rusi 2022”, kur Zvicra në saje të golave fantastik të Granit Xhakës dhe Xherdan Shaqirit përmbysi avantazhin fillestar (0:1) të Serbisë, për ta eliminuar tërësisht që në fazën e grupeve.
Se si do të përfundoj kjo ndeshje që fillon në ora 20:00, mbetet të shihet, por gjasët janë që Zvicra të kualifikohet tutje pasi ka përparsi të madhe ngase i mjafton një barazim në këtë sfidë për ta shmangur Serbinë nga kalkulimi.
Por, sipas analizës fillestare, edhe nëse Serbia shmanget nga kalkulimi, nuk do të thotë që Zvicra siguron kalimin e fazës së grupeve pasi me 3 pikë aktuale dhe 1 pikë nga ky takim do të arrinte kuotën e 4 pikëve, për ç’gjë do duhej të priste epilogun e takimit tjetër të grupit G, Cameron vs Brazil.
Kjo pasi Cameron ka gjithashtu vetëm një pikë nga ai barazimi sensacional kundër serbisë (3:3), në xhiron e dytë të grupit G. Ndaj, fitorja eventuale me 2 e më shumë gola ndaj Brazilit do ta bënte fare të paqartë situatën në tabelë dhe plasmanin përfundimtar edhe nëse Zvicra do të shmangte Serbinë me barazim.
Pra, Zvicra do të kualifikohet e sigurtë vetëm nëse fiton ndaj Serbisë, në të kundërtën do të jetë e detyruar të pres epilogun përfundimtar të takimit tjetër në grup, Cameron – Brazil.
Përndryshe, befasitë edhe këtë kampionat nuk kanë munguar, ndaj gjithësesi duhet pritur sinjalizimin përfundimtar të arbitrave në këto takime që të dihen me saktësi skuadrat e kualifikuara në 1/8 e finales së botërorit “Katar 2022”.
