Gomonia rrezikonte të fundosej në Gjirin e Durrësit – shpëtohen 5 persona
Pesë persona janë shpëtuar këtë të mërkurë në afërsi të Gjirit të Durrësit, pasi gomonia me të cilën po udhëtonin rrezikonte të fundosej si pasojë e moti të keq dhe erërave të forta.Në njoftimin zyrtar të Policisë së Shtetit, thuhet se patrullat e Njësisë Policore Detare kanë reaguar me shpejtësi, duke ndërhyrë me mjete lundruese për t’i nxjerrë qytetarët në breg.
“Mesditën e sotme, gjatë patrullimeve në të gjithë hapësirën detare të qarkut, shërbimet e Njësisë Policore Detare konstatuan, në afërsi të Gjirit të Durrësit, 5 shtetas që kërkonin ndihmë, pasi gomonia e tyre rrezikonte të fundosej për shkak të erërave të forta. Menjëherë pas konstatimitefektivët e Njësisë, me mjete lundruese, ndërhynë në kohë dhe bënë të mundur nxjerrjen në breg të qytetarëve, të cilët ndodheshin në gjendje të mirë shëndetësore”, thuhet në njoftim.
Policia ka konfirmuar se të pesë personat janë në gjendje të mirë shëndetësore, ndërsa i ka bërë thirrje qytetarëve dhe turistëve që në rast vështirësish në det të kërkojnë ndihmë menjëherë.Njësia Policore Detare fton çdo qytetar apo turist që ndodhet në vështirësi dhe ka nevojë për ndihmë, të kontaktojë menjëherë. Reagimi ynë do të jetë i shpejtë, profesional dhe i specializuar,” thuhet më tej në komunikatën zyrtare.
