Gjykata shpall të pavlefshme shumë tarifa të presidentit Trump!
Shumë tarifa të Trumpit janë ilegale! Kështu ka vendosur Gjykata e apelit në Amerikë, sipas së cilës Presidenti Trump i ka tejkaluar kompetencat e tij dhe nuk ka të drejtë të fusë këto tarifa.
Sipas kësaj Gjykate, vendimet e tilla për tarifa mund të merren vetëm nga Kongresi. Ndërsa vendimet e Trumpit për futjen e tarifave në bazë të një ligji të miratuar dekata më parë për gjendjen emergjente janë antiligjore, shpjegon Gjykata.
Por Trumpi e ka kundërshtuar menjëherë këtë vendim dhe ka paralajmëruar hapa të tjerë ligjorë. Trumpi i ka përdorur dhe po i përdor tarifat si një mekanizëm të fuqishëm për qeverisje. Nëse vërtet mbetet në fuqi ky vendim i Gjykatës, kjo do të ishte një katastrofë e vërtetë për Trumpin, thonë analistët.
Ligji International Emergency Economic Powers Act (IEEPA) i vitit 1977, të cilit i referohet Trumpi, parashikon që Presidenti mund të fusë tarifa vetëm në rastet e “kërcënimeve të jashtëzakonshme” në kohën e një emergjence kombëtare.
Megjithë këtë vendim, tarifat edhe më tej mbeten në fuqi, deri në sqarimin e plotë juridik të këtyre vendimeve, sepse Trumpi ka të drejtë të ankohet në Gjykatën më të lartë në vend. Ai tha se “heqja e këtyre tarifave doganore për Amerikën do të ishte një katasfrofë totale” dhe do të “shkatërronin” Amerikën.
Por të shohim si do të vendosë Gjykata më e lartë në vend.
