Gjimshiti i lumtur: Fiziku s’i bëri më të fortë se ne, tifozët kuqezi pushtuan Çekinë
Berat Gjimshiti ka folur pas barazimit 1-1 kundër Çekisë. Qendërmbrojtësi i Kombëtares deklaroi për mikrofonin e TV Klan:
“Ishte një ndeshje e tensionuar. Ishte qëllimi ynë për të dhënë gjithçka në këtë ndeshje. Ata janë më të fortë fizikisht se ne, por nuk mund të fitonin duelet. Treguam një ndeshje fizike të mirë. Besoj se e merituam këtë pikë.
Pika? Do të na vlejë shumë. Fituam kundër një kundërshtari të fortë që luan çdo dy vite në Europian ose Botëror. Të them të drejtën na kanë motivuar shumë dhe tifozët. M’u duk se ishin më shumë tanët se të atyre. I falënderoj shumë.
Europiani? Shpresoj që të shkojmë, të jetë ky viti i duhur. Kam qenë jashtë në 2016-tën. Në atë moment kam qenë i zhgënjyer. Mentaliteti im ka qenë gjithmonë të fitojmë. Besoj se ky është viti i duhur për të gjithë. Është diçka shumë e bukur për të gjithë ne. Dje erdhi babai me disa shokë nga Zvicra. Ata kanë qenë edhe në Danimarkë kur kam debutuar. Ndoshta më sjell fat sërish”, tha ai.
Kujtojmë që Shqipëria barazoi 1-1 kundër Çekisë në kuadër të eleminatorëve EURO 2024.
