Gjilani fitore bindëse me lojë e rezultat në udhëtim te Feronikeli ’74
Gjilani ka fituar me rezultat të thellë 3-0 në udhëtim te Feronikeli ’74 në ndeshjen e vlefshme për javën e 14-të në Albi Mall Superligën e Kosovës.
Ekipi i Ardian Nuhiut ka arritur t’i kthehet fitores pas tri ndeshjeve, duke marrë tri pikë të arta dhe duke u larguar nga zona e rrezikshme.
Pjesa e parë e ndeshjes u karakterizua me lojë më të mirë të mysafirëve, të cilët përveç rasteve, arritën të shënojnë edhe dy gola.
Goli i parë i ndeshjes erdhi në minutën e 10-të me anë të Senad Jarovic, i cili shënoi për epërsinë 0-1, ndërsa Oltion Bilalli (21’) shënoi për 0-2.
Në pjesën e dytë, vendasit provuan të rikthehen në lojë, por pa sukses, ndërsa mysafirët arritën të shënojnë edhe një gol.
Goli i vetëm në këtë pjesë erdhi në minutën e 64-të me anë Edi Basa, i cili shënoi për 0-3 dhe ky doli të ishte rezultati përfundimtar i takimit.
Pas kësaj fitore, Gjilani ngjitet në pozitën e gjashtë me 17 pikë, ndërsa Feronikeli ’74 mbetet i fundit me vetëm tri pikë.
Në ndeshjen e ardhshme, gjilanasit e presin Malishvën, teksa drenicasit janë nikoqir të Suharekës.
