Gjilan: Vërshimet kanë shkaktuar dëme të mëdha! Komuna apelon të shmangen disa rrugë pasi janë të bllokuara

Komuna e Gjilanit përmes një njoftimi në orët e vona të mbrëmjes, gjegjësisht në orët e para të 19 nëntorit 2025, ka bërë të ditur se janë shkaktuar dëme të mëdha nga vërshimet që kanë ardhur si rrjedhpjë e reshjeve të mëdha gjatë tërë ditës

Sipas njoftimit për qytetarë dhe media, pas reshjeve të dendura të shiut, disa rrugë kryesore janë të bllokuara dhe qarkullimi aty është i vështirësuar.

Rrugët e prekura janë si në vijim:

              •            Hyrja për në fshatin Malishevë

              •            Rruga Qarkore

              •            Hyrja për në fshatrat Livoq i Poshtëm dhe i Epërm

              •            Hyrja për në fshatin Cernicë

Në njoftim theksohet se ekipet komunale janë angazhuara maksimalisht në terren për pastrimin e rrugëve dhe normalizimin e qarkullimit.

Me këtë rast apelohet tek qytetarët të tregojnë kujdes të shtuar dhe të shmangin lëvizjet e panevojshme në zonat e përmendura.

Për çdo rast emergjent, ju lutemi kontaktoni Qendrën 112.