Gjilan: Seanca e radhës e Kuvendit mbahet të enjten, më 23 shkurt 2023
Kuvendi i Komunës së Gjilanit të enjten ka parapa seancën e radhës.
Kuvendi i Komunës së Gjilanit të enjten ka parapa seancën e radhës, pritet të diskutohet një sërë çështjesh, përfshirë: – Vendimin për miratim të planit të punës së Kuvendit për vitin 2023; Draft Statutin e QKMF-së “Nagip Rexhepi” në Gjilan; Draft-Programin tre vjeçar të banimit; Propozim-vendimin për lirimin e përkohshëm nga obligimi i gjobës komunale për regjistrime të mëvonshme të lindjes dhe vdekjes e Propozim-vendimin për kompensimin e anëtarve të komisionit për ndarjen e bursave.
Në seancë pritet të diskutohet edhe për formimin e komisionit për shqyrtimin e kërkesave dhe ankesave në procesin e emërtimit të rrugëve, shesheve dhe numërimit të adresave në Komunën e Gjilanit; implementimin e marrëveshjes së PPP me kompanine ‘Ecohigjiena’; adaptimit të projektit të sheshit në qendër të qytetit si dhe informim për sukseset e nxënësve në gjysmëvjetorin e parë të vitit shkollor 2022/2023, etj.
