Gjilan: Plagoset një zyrtar i pyjeve – Kryetari Hyseni me bashkëpuntorë e vizitojnë në spital – gjendja e tij jashtë rrezikut për jetë
Gjatë ditës së djeshme ka ndodhur një aksident me c’rast është plagosur një zyrtar i pyjeve në komunën e Gjilanit.
Sic bëhet e ditur, kreu i Komunës së Gjilanit Alban Hyseni me përfaqësuesit e Drejtorisë Bujqësisë dhe Pylltarisë, në orët e mbrëmjes e kanë vizituan në spital pylltarin e plagosur.
“Në orët e mbrëmjes, kryetari i komunës Alban Hyseni dhe përfaqësues nga DBP Bajram Isufi e nga sektori i pylltarisë Kujtim Shahiqi, vizituan pylltarin e plagosur”, thuhet në njoftimin e zyrtar të Drejtorisë së Bujqësisë.
Më tej theksohet se mjekët kujdestarë e kanë informuar kryetarin Hyseni për gjendjen shëndetësore të pylltarit të plagosur në detyrë. Sipas njoftimit, gjendja e të plagosurit është stabile dhe jashtë rrezikut për jetë, dhe se gjatë ditëve në vazhdim, i njejti do të jetë nën mbikëqyrjen intensive mjekësore.
“Kryetari komunës Alban Hyseni shprehu keqardhje për situatën e krijuar dhe aksidentin e ndodhur me c’rast ofroi çfarëdo ndihme nga ana e komunës dhe angazhimin e QKMF-së për rehabilitim sa më të shpejt”, thuhet në njoftim.
Sipas njoftimit, drejtori i Drejtorisë për Bujqësi dhe Pylltari në Komunën e Gjilanit, Bajram Isufi e ka informuar kryetarin Hyseni se personat e përfshirë në këtë rast janë kapur dhe gjenden në paraburgim për 48 orë.
