Gjilan: Debati me moton “Mos e merr malin”, shpërfaqë problematikën e shpyllëzimit në Kosovë
Lëvizja “MoseMerrMalin” për rigjenerimin e pyjeve të humbura të Kosovës ishte në qytetin e Gjilanit!
Si pjesë e kësaj lëvizjeje, “Sustainability Leadership Kosova” organizoi një seminar dhe panel diskutimi më 19 prill në Gjilan.
Punëtoria u fokusua në lëvizjen “MosEMerrMalin” dhe çfarë mund të bëjmë për të adresuar problemin e shpyllëzimit në Kosovë.
Gjatë seminarit u prezantuan gjithashtu hulumtime mbi shkallën e shpyllëzimit gjatë 20-të viteve të fundit, ndërsa mëtohet të hapet një diskutim i gjithëmbarshëm se çfarë hapash mund të ndërmarrim si shoqëri për të parandaluar degradimin e mëtejmë.
Diskutimi i panelit i shqyrtoi potencialet për reduktimin e shpyllëzimit në Kosovë duke ofruar një mundësi për të pranishmit që të bashkëpunojnë dhe të kontribuojnë me idetë e tyre drejt një zgjidhje afatgjatë.
Problemi i shpyllëzimit është akut, u tha nga ana e panelistëve dhe pjesëmarrësve në diskutim, për ç’gjë e konstatua se sii tillë determinon domosdonë e një zgjidhje sa më të shpejtë, para së gjithash vetëdijësuese e më pas edhe zgjidhje të tërësishme.
Rrjedha e diskutimeve dhe kampanjës në tërësi është vlerësuar mjaft pozitive dhe e rëndësisë veçantë.
Marrë parasysh reagimet që priten nga ana e pjesëmarësve, janë diskutuar rreziqet nga konsteksti global që i kanosen planetit, ndërsa me theks të veçantë janë fokusuar problemet e identifikuara në Kosovë, u tha me këtë rast.
“Shtetet e ndryshme këtij problemi i qasen në mënyra të ndryshme. Në Kosovë është problemi paksa më ndryshe, pasi specifikat dallojnë krahasuar me vendet tjera. Ne nuk i qasemi problematikës sikurse shtetet e ndryshme, pasi vendi ynë ka problematika të shumëta, që e vënë në plan të dytë çështjen e degradimeve të pyjeve, gjegjësisht shpyllëzimi”, u tha nga ana e panelistëve.
Nga ky debat dhe deklartatat e ekspertëve u potencua si nevojë e patjetërsueshme të ndryshohet mënyra e trajtimit të këtij problemi, pasi siç u tha, reaguimet e pakëta e të ngadalshme, madje herë-herë të vonuara, krahasuar me vendent e zhvilluara, duhet të ndryshohen e përshpejtohen, krahas trendeve globale të mbrojtjes ambientale…
