Forcat ukrainase dhe ruse kryejnë shkëmbimin e radhës, 130 të burgosur lufte kthehen në shtëpi për Pashkë
Rreth 130 të burgosur lufte ukrainas janë liruar dhe janë kthyer në shtëpi në një “shkëmbim të madh të Pashkëve”, tha një zyrtar i lartë presidencial ukrainas.
Forcat ukrainase dhe ruse kanë kryer shkëmbime të rregullta të të burgosurve gjatë pushtimit të Moskës, tashmë në muajin e 14-të, raporton Reuters.
“Ne po kthejmë 130 njerëzit tanë. Shkëmbimi është zhvilluar në disa faza gjatë ditëve të fundit”, tha shefi i shtabit të Presidentit Zelenskiy, Andriy Yermak, në aplikacionin e mesazheve Telegram.
Yermak tha se ata që u kthyen në shtëpi përfshinin ushtarakë, roje kufitare, anëtarë të gardës kombëtare, marinarë dhe punonjës të rojës shtetërore të kufirit.
