Fjala e shkrimtarit të shquar, Ismail Kadare me rastin e dekorimit me urdhërin “Hasan Prishtina” nga Presidetja Vjosa Osmani

Fjala e shkrimtarit të shquar, Ismail Kadare me rastin e dekorimit me urdhërin “Hasan Prishtina” nga Presidetja Vjosa Osmani

Fjala e plotë – Kadare: “Të dashur njerzë të Kosovës, njerzë të letrave, të artit, të kulturës: së pari ju falënderoj dhe jam shumë i prekur të jem midis jush për këtë nderim kaq të madh. Çdo njeri, çdo shqiptar normal do ta ëndërronte një gjë të tillë. është një fat i rrallë që një popull të të nderoj dhe të të quaj bashkëmbrojtës të të drejtave të tij, të lirive të tij, sidomos kur ky popull e ka rrugën e historisë të vështirë. Për fat të keq Shqipëria ka pasur një rrugë të gjatë historike të shkelur me këmbë nga forca të tjera të huaja të jashtme, por për fat të mirë ajo gjithashtu i ka kapërcyer gjatë shekujve në mënyra të ndryshme vështirësitë, “retë e errëta të historisë”; “qiellin dimëror” dhe gjithçka tjetër që mund ta pengoj një popull të marrë frymë i lirë. Ne këtu, vet mbledhja jonë, grumbullimi këtu, në këtë sallë, nga shqiptarët e të gjitha zonave të Ballkanit, tregon këtë triumf të gjatë shekullor. Nga një triumf i tillë asnjë komb nuk heq dorë. Ky është një triumf për veten e vet, për lirinë e vet, për gëzimin e vet, për të ardhmen e vet. me një fjalë është një triumf për atë që quhet qytetërim njerëzor universal i kësaj bote ku jetojmë. Prandaj edhe një herë shprehë mirënjohjen time për këtë organizim tuaj, për këtë ftesë që më bëtë, për mendimin tuaj të fismë për të më nderuar me një gjë të tillë. Nuk ka nderim më të madh për një intelektual shqiptar sesa ky që po e përjetoj unë në këto çaste bashkë me ju!”