Është konstituuar Senati i UKZ-së nga zgjedhjet e përgjithshme 2023
Është mbajtur mbledhja konstituive e Senatit të Universitetit Publik “Kadri Zeka”. Pasi është bërë verifikimi i mandateve të anëtarëve të Senatit, senatorët e rinj kanë nënshkruar deklaratën etike.
Fillimisht Rektori Bajram Kosumi, njëherësh kryesues i senatit ka uruar të gjithë për marrjen e përgjegjësive te reja, në organin më të lartë akademik të UKZ-së, duke u dëshiruar suksese në punë. Kurse Sekretari i Përgjithshëm Vaxhid Sadriu, njëherësh kryetar i KQZ-së në Zgjedhjet e Përgjithshme 2023 të Universitetit Publik “Kadri Zeka”, ka njoftuar të pranishmit për procesin e zgjedhjeve.
Më pas me votat e të gjithë anëtarëve, Prof. Ass. Dr. Mensur Neziri është zgjedhur Kryesues i Përkohshëm i Senatit. Anëtarët e Senatit në këtë mbledhje kanë miratuar propozimet e Këshillave të Fakulteteve, duke zgjedhur kështu strukturat menaxhuese – dekanët e njësive akademike.
Dekan i Fakultetit të Edukimit, Prof. Asoc. Dr. Merxhan Avdyli
Dekan Fakultetit Ekonomik, Prof. Asoc. Dr. Xhevat Sopi
Dekan i Fakultetit të Shkencave Kompjuterike, Prof. Asoc. Dr. Artan Dermaku
Dekan i Fakultetit të Shkencave Aplikative, Prof. Dr. Xhevdet Thaqi
Derisa për dekanin/dekanen e Fakultetit Juridik do të vendoset pas shqyrtimit të ankesës nga Këshilli Drejtues i UKZ-së. Dekanët e zgjedhur mandatin e ri do ta marrin me 1 Tetor 2023.
