Ekskluzive: Këto janë dy prokuroret e Prokurorisë në Pejë që u kërcënuan, i dyshuari shpallet në kërkim
Dy prokurore të Departamentit të Përgjithshëm në Prokurorinë Themelore në Pejë janë kërcënuar të premten nga një person, për motive akoma të panjohura. I dyshuari tashmë është identifikuar nga Policia dhe është shpallur në kërkim.
Siç mësohet dy prokuroret që u kanosën janë Lumturie Hoxha dhe Ardiana Veseli, të cilat e kanë denoncuar rastin në Polici.
Në bazë të informacioneve të para, bëhet fjalë për të dyshuarin A. K., 48-vjeçar, i cili po dyshohet se përmes telefonit i ka kërcënuar prokuroret, duke i paralajmëruar se “do t’ia shohin sherrin”.
Përkundër kërkimeve nga ana e Policisë, i dyshuari po vazhdon të qëndrojë në arrati, pasi njësitet policore ende s’kanë arritur ta kapin.
Akoma nuk dihet nëse kanosja lidhet me ndonjë rast që trajtohet nga prokuroret Hoxha dhe Veseli, apo cilat janë rrethanat e rastit.
Sinjali do të iu mbajë të informuar për detajet e reja.
Burimi i lajmit: Gazeta Sinjali
