EKSKLUZIVE! – 6 emrat e propozuar nga Gjilani për deputetë të PDK-së në zgjedhjet e 9 shkurtit
Kur kanë mbetur afërsisht pak më shumë se dy muaj nga Zgjedhjet Nacionale të 9 shkurtit 2025, në Kosovë, subjektet politike kanë intensifikuar aktivitetet e tyre gjithandej, shkruan Tv Gjilani.
Në taborre të ndryshme janë lakuar emra të përvecëm, si kandidat për deputetë.
Dega e PDK-së në Gjilan, ndonëse jozyrtarisht, tashmë ka 6 emra të kandidatëve të cilët do të garojnë në zgjedhje, njoftojnë burime të TV Gjilani brenda degës së këtij subjekti në Gjilan.
Ata do të jenë: Aurora Osmani, Arben Mustafa, Zenun Pajaziti, Selver Xhelili, Ilir Tahiri dhe Qëndrim Qerimi nga Rinia demokratike e PDK-së.
Sic merret vesh, Znj. Aurora Osmani, e cila njëherit është nënkryetare e degës së PDK-së në Gjilan, është konfirmuar si kandidate shumë kohë më parë nga niveli qëndror i PDK-s, kur është formuar kryesia e re në në nivel qëndror, muaj më parë.
Ndërsa, njoftohet se Arben Mustafa, është thirrur poashtu në kabinetin e “Qeverisjes në hije” të PDK-së, lidhur me aspektin ekonomik dhe financiar, për c’gjë është vendosur asokohe të jetë kandidati tjetër nga Gjilani.
Edhe Zenun Pajaziti gjithashtu është vendosur të jetë kandidat për faktin se është pjesë e vazhdimësisë së kryesisë qëndrore në Prishtinë, dhe si rrjedhojë, me automatizëm është aprovuar si kandidat nga niveli qëndror.
Kujtojmë që kandidimi i Selver Xhelilit si kandidatët potencial nga dega e PDK-së, ëhstë lidhur me aderimin e tij kohë më parë në PDK – dega në Gjilan, ndërsa është konfirmuar tashmë nga dega e këtij subjekti.
Ilir Tahiri, është poashtu kandidat tashmë i konfirmuar për të garuar në zgjehdjet e PDK-së, njoftojnë burimet e TV Gjilani.
Kjo pasi PDK që vjen nga trashëgimia dhe bartësit e Luftës së UCK-së, është vendosur të jetë një përfaqësues nga Familjet e Dëshmorëve, gjegjësisht pjesa e luftës së UCK-së. Në këtë kontekst, PDK dega në Gjilan ka vendosur që ta kandidoj Ilir Tahirin.
Ndërsa, Qëndrim Qerimi, kryetar i degës së Rinisë Demokratike të PDK-së në Gjilan, është konfirmuar nga niveli qëndror që të jetë deputet dhe të përfaqësojë Rininë Demokratike, si njëri nga tre kandidatët e propozuar pikërisht nga Rinia Demokratike e Kosovës në nivel qëndror./TV Gjilani/
