Ekipi i Kosovës grumbullohet sot, pasdite stërvitja e parë
Përfaqësuesja e Kosovës e fillon sot (e enjte) grumbullimin për dy ndeshjet e këtij muaji në kuadër të kualifikimeve për “Euro 2024”.
Dardanët do t’i zhvillojnë dy ndeshje kualifikuese në kuadër të Grupit I, pasi do të ndeshen me Rumaninë më 16 qershor dhe me Bjellorusinë, më 19 qershor.
Para disa ditësh, përzgjedhësi Alain Giresse publikoi listën me emrat e lojtarëve të ftuar ndërsa tani pritet t’ia fillojë punës.
Është vet FFK që ka njoftuar në lidhje me agjendën e ekipit përfaqësues, i cili pritet të grumbullohet sot.
Kosova do ta zhvilloj një stërvitje gjatë pas ditës së sotme dhe dy stërvitje gjatë ditës së nesërme (e shtunë).
Kujtojmë që përzgjedhësi, Giresse të hënën ka publikuar listën e Kosovës për ndeshjet e muajit qershor, ku janë konstatuar disa risi dhe rikthime në ekip.
Hekuran Kryeziu dhe Elbasan Rashani ishin dy rikthimet e mëdha te Dardanët për këto dy sfida, derisa në listë ndodhet edhe mbrojtësi Lirim Kastrati.
Ndërkohë për herë të parë nga Përfaqësuesja A e Kosovës janë ftuar edhe Jetmir Topalli dhe Ermal Krasniqi. Porse, çuditërisht në listë nuk ndodhet fare Arbnor Muja që ka shkëlqyer me Antwerpin në elitën e futbollit belg duke fituar titullin e kampionit dhe Kupën e Belgjikës.
Më poshtë e gjeni agjendën e stërvitjeve të Kosovës për dy ditët në vazhdim:
E enjte, 8 qershor
17:00 Stërvitje – Kampi Nacional në Hajvali
E premte, 9 qershor
10:30 Stërvitje – Kampi Nacional në Hajvali
17:00 Stërvitje – Kampi Nacional në Hajvali
