Edhe 20 profesionistë shëndetësorë i shtohen Gjilanit
20 profesionistë shëndetësor i shtohen Gjilanit.
Pesë mjekë të përgjithshëm, 10 infermierë, 3 teknikë laborantë dhe 2 teknikë të farmacisë tani e tutje do të ofrojnë shërbime në QKMF për të gjithë qytetarët të cilët kanë nevojë. Kështu ka njoftuar kryetari i komunës së Gjilanit Alban Hyseni, duke vënë theksin te kualiteti i ofrimit të shërbimeve për qytetarët e kësaj komune.
“Ne do vazhdojmë të plotësojmë vendet e lira në personelin shëndetësor, njëkohësisht duke rritur kualitetin e shërbimeve profesionale dhe duke ofruar kushte cilësore për të gjithë ata që japin shërbime”, ka shtuar Hyseni në faqen e tij në facebook.
