Dy përballje të zjarrta sot në Superligë, luhet në Malishevë dhe Ferizaj
Superliga e Kosovës vazhdon me ndeshjet e xhiros së 12-të, ku sot janë në program dy duele.
Malisheva do të jetë nikoqir i Gjilanit në stadiumin ‘Liman Gegaj’ në Malishevë.
Bardhekaltërtit synojnë fitoren e radhës dhe të parën nën drejtimin e trajnerit të ri, Elon Berisha.
Nga ana tjetër, Gjilani kërkon të rikthehet te fitoret në kampionat.
Një sfidë po ashtu shumë interesante pritet të zhvillohet në Ferizaj, ku Ferizaj takohet me Dukagjinin.
Si vendasit, ashtu edhe mysafirët, kërkojnë vetëm fitoren për t’u ngjitur në tabelë.
Të dyja sfidat e ditës së sotme zhvillohen me fillim nga ora 13:00.
