Drita mposht Dukagjinin, shton diferencën në tabelë
Drita ka fituar me rezultat 2-0 ndaj Dukagjinit në ndeshjen e vlefshme për javën e 16-të në Albi Mall Superligën e Kosovës.
Ekipi i Zekirija Ramadanit ka marrë edhe fitoren e pestë radhazi në kampionat, duke rritur epërsinë me ndjekësit në tabelë.
Pjesa e parë e ndeshjes u karakterizua me lojë më të mirë të vendasve, të cilët arriten të shënojnë edhe dy gola, por vetëm njëri ishte i rregullt.
Goli i vetëm i rregullt në këtë pjesë u shënua në minutën e 31-të me anë të Besnik Krasniqit, i cili kaloi Dritën në epërsi 1-0.
Në pjesën e dytë, gjilanasit ishin përsëri skuadër më e mirë duke shënuar edhe një gol në fund dhe duke siguruar fitoren.
Goli i vetëm në këtë pjesë u shënua nga Kastriot Selmani (89’), i cili vulosi fitoren 2-0.
Pas kësaj fitore, Drita e sheh veten në pozitën e parë me 37 pikë apo nëntë më shumë se Malisheva e dyta, teksa Dukagjini zë vendin e tetë me 17 pikë.
Në ndeshjen e ardhshme, gjilanasit luajnë derbin ndaj Gjilanit, ndërsa klinasit e presin Ferizajn.
