Drita mëson kundërshtarin e fazës ‘play-off’ në Ligën e Konferencës
Kampioni i Kosovës, Drita ka mësuar gjatë ditës së sotme (e premte) kundërshtarin e radhës në Ligën e Konferencës.
Sot (e premte) është hedhur shorti në Shtëpinë e Futbollit Evropian në Nyon të Zvicrës për fazën eliminatore të Ligës së Konferencës për sezonin.
Pjesë e shortit për këtë fazë ishte edhe kampionia e Kosovës, Drita, e cila e mbylli fazën e ligës në pozitën e 20-të me tetë pikë.
Pas hedhjes së shortit, gjilanasit kanë mësuar kundërshtarin. Bëhet fjalë për klubin slloven, Celje, e cila përfundoi në pozitën e 13-të me fazën e ligës.
