Dita e ndeshjeve: Tetë përballje në Ligën e Evropës dhe tetë në Ligën e Konferencës
Sot (e enjte) dita është e rezervuar për ndeshjet e para të fazës së 1/8-tës në dy garat evropiane, Ligën e Evropës dhe Ligën e Konferencës.
Pas emocioneve të Ligës së Kampionëve gjatë të martës dhe mërkurës mbrëma, tani radha është për emocionet e dy garave tjera evropiane për klube.
Në të dy garat do të zhvillohen nga tetë ndeshje të vlefshme për fazën e 1/8-tës, ku vëmendja më e madhe sigurisht se do të jetë në Ligën e Evropës.
Ndeshja kryesore e kësaj mbrëmje do të jetë ajo në mes të Real Sociedad-Manchester United, e cila do të zhvillohet nga ora 18:45, por interesant do të jetë edhe në përballjen e orës 21:00 mes Romës dhe Athletic Bilbaos.
Në ndeshjet tjera: AZ Alkmaar-Tottenham Hotspur, FCSB-Lyon dhe Fenerbahce-Rangers do të luajnë nga ora 18:00, ndërsa Ajax-Eintracht Frankfurt, Bodo/Glimt-Olympiacos dhe Plzen-Lazio nga ora 21:00.
It's nearly time for the round of 16! 🤩
— UEFA Europa League (@EuropaLeague) March 5, 2025
Complete your #UELbracket ⬇️#UEL | @Betano_PT
Interesant do të jetë edhe në Ligën e Konferencës, ku dy ndeshjet kryresore padyshim se do të jenë ato mes Copenhagen-Chelsea dhe Panathinaikos-Fiorentina, të cilat do të luhen nga ora 18:45.
Përballjet tjera do të jenë ato mes Real Betis-Guimaraes dhe Molde-Legia që luhen nga ora 18:45, teksa Borac-Rapid Vienna, Celje-Lugano, Jagiellonia-Cercle Brugge dhe Pafos-Djurgargen nga ora 21:00.
The games on display this week 🤩#UECL pic.twitter.com/8LmDoYDb9B
— UEFA Conference League (@Conf_League) March 3, 2025
