Dëmtohet shtatorja e Skënderbeut në Gjilan, reagime të shumëta të qytetarëve
Shtatorja e Skënderbut, e cila është e vendosur para ndërtesës së Kuvendit të Komunës së Gjilanit, është dëmtuar rëndë nga persona të papërgjeshëm, shkruan TV Gjilani.
Kjo ka ngjallur reagime të shumëta të qytetarëve të cilët kanë kërkuar nga organet përgjegjëse që të zbulohen akterët dhe të merren masa ndaj tyre.
Një nga reagimet e para pas këtij akti vandal të “përdhosjes” së shtatores së Skënderbeut, ka qenë ai i kryetarit të Kuvendit të Komunës së Gjilanit, Kushtrim Kadriu, i cili ka paralajmëruar se rastin do ta paraqesë tek organet e drejtësisë.
“Sonte vërejta se mbishkrimi në bustin e heroit Kombëtar, Skënderbeu, i cili është i vendosur në oborrin e Asamblesë Komunale, qenka shkarravitur. Që nesër do ta paraqesim rastin në organet e drejtësisë”, ka shkruar Kadriu.
E lidhur me këtë rast, gjatë mbrëmjes së kaluar dhe ditës së sotme ka pasur edhe shumë reagime tjera të qytetarëve gjilanas, të cilët kanë kërkuar të gjenden akterët dhe të merren masa adekuate ndaj tyre./TV Gjilani/
