Dega e LDK-së në Gjilan shpreh shqetësimin e saj dhunën ndaj një gruaje në Gjilan
Dega e Lidhjes Demokratike të Kosovës në Gjilan e ka marr me shqetësim të thellë lajmin për dhunën ndaj një gruaje në Gjilan, pamjet e shëmtuara të së cilës u shfaqën në publik, por vetëm pas tri ditëve me vonesë, erdhi reagimi i Komunës së Gjilanit.
Ky rast i rëndë dhunimi ndaj Adiles duhet të prek thellë në ndërgjegjen tonë si shoqëri.
Në emër të Degës së Lidhjes Demokratike të Kosovës, Forumit të Gruas e Forumit të Rinisë e Grupit të Këshilltarëve të LDK-së në Kuvendin Komunal, dënojmë ashpër dhunën ndaj kësaj gruaje dhe kërkojmë nga organet e shtetit që kriminelët ta marrin dënimin meritorë.
Dhuna ndaj grave dhe çfarëdo lloj dhune nuk do të tolerohet kurrë në Gjilan. Gjilani është me Adilen, thuhet në reagimin e LDK-së së Gjilanit.
