“Dardanët” vazhdojnë përgatitjet për ndeshjet e shtatorit

Kombëtarja e Kosovës në futboll, të mërkurën ka mbajtur stërvitjen e radhës në kuadër të kampanjës në Ligën e Kombeve, ndaj Rumanisë dhe ndaj Qipros.

Stërvitjet janë zhvilluar në stadiumin “Fadil Vokrri” në Prishtinë.

“Dardanët” do ta presin Rumaninë të premten në “Fadil Vokrri” nga ora 20:45, ndërsa pas tre ditësh, do ta vizitojnë Qipron.

Kosova synon ta nisë me këmbë të mbarë eksperiencën e re në Ligën e Kombeve, ku objektiv e ka që ta mbyllë si lidere grupin.