‘Çmendet’ interneti, pas reagimit të Vedat Muriqit ndaj Barcelonës – “Ti je legjendë” i thonë tifozët
Vedat Muriqi ka qenë në vëmendjen e mediave spanjolle gjatë këtyre ditëve, para përballjes me Barcelonën, por jo vetëm.
Edhe klubi katalunas i ka kushtuar vëmendje të veçantë sulmuesit të kombëtares së Kosovës.
Trajneri i Barçës, Hansi Flick e cilësoi Vedat Muriqin si rrezikun kryesor nga Mallorca, dhe e përgëzoi për një sezon fantastik.
Vedat Muriqi është një futbollist shumë i dashur, jo vetëm nga tifozët e tij, por edhe nga tifozët e klubeve të tjera të La Ligës.
Futbollisti kosovar u lavdërua nga tifozë të të gjitha skuadrave për reagimin e tij, këtë herë ndaj një postimi të Barcelonës për Robert Lewandowskin, ku ai ishte përmendur.
Hay pocos delanteros que compitan con Lewy…Y yo no soy uno de ello pero gracias https://t.co/USOIudL6Si
— Vedat Muriqi (@MuriqiVedat) February 6, 2026Llogaria zyrtare e Barcelonës publikoi një foto të sulmuesit polak me mbishkrimin “Lewy vs. Muriqi”, ndërsa lojtari i Mallorcas nuk hezitoi të reagojë: “Ka pak sulmues që mund të konkurrojnë me Lewy… dhe unë nuk jam një prej tyre, por faleminderit”.
Siç pritej, mesazhi i kosovarit solli një lumë lavdërimesh dhe vlerësimesh.
“Je një legjendë e LaLigës”, “Dëgjo, pirat, do të flas hapur dhe drejtpërdrejt (jam tifoz i Atléticos). Futbolli bëhet i madh nga njerëz si ti. Le të të mbetet kjo. Sepse është zemër, shpirt, pasion, fisnikëri, përkushtim, ndershmëri… Je një nga më të mëdhenjtë e La Ligës”, ishin disa prej tyre.
Hay pocos delanteros que compitan con Lewy…Y yo no soy uno de ellos 😅😂 pero gracias 🤝 https://t.co/USOIudL6Si
— Vedat Muriqi (@MuriqiVedat) February 6, 2026
