Çitaku: Kurti po ndërhyn brutalisht në zgjedhjet në RMV, po i përçan shqiptarët
Sekretarja e Përgjithshme e PDK-së, Vlora Çitaku ka thënë se Kryeministri i Kosovës, Albin Kurti po ndërhynë brutalisht në zgjedhjet në Maqedoninë e Veriut, shkruan Reporteri.net.
Sipas saj, kreu i ekzekutivit po e bënë këtë gjë duke shpifur e manipuluar.
“E turpshme. E mjerë. E rrezikshme”, shkruan mes tjerash Çitaku në Facebook.
Postimi i plotë:
Shqiptarët në Maqedoninë Veriore i kanë dalë hakut Kosovës.
Na i kanë hapur dyert dhe zemrat në orët tona më të vështira. Pa kushte.
Për më tepër djem e vajza erdhën dhe me vetmohim luftuan për lirinë tonë. Disa e dhanë edhe jetën.
Dy dekada pas, shqiptarët në Maqedoninë Veriore janë faktorë me peshë. Janë më meritorët për mirëmbajtjen e kursit euroatlantik të vendit të tyre.
E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar.
Seç e ka një mosdurim Kryeministri Kurti për secilin lider politik të UÇK-së.
E turpshme. E mjerë. E rrezikshme.
