Bujanoc: Shkolla “Sezai Surroi” mirëpret ambasadorin e Shqipërisë në Serbi, Bardhyl Canaj dhe kryetarin e Komunës së Bujanocit, Arbër Pajaziti
Shkolla e Mesme “Sezai Surroi” në Bujanoc sot priti në një takim Kryetarin e Komunës së Bujanocit, z. Arbër Pajaziti, Ambasadorin e Republikës së Shqipërisë në Serbi, Sh.T. z. Bardhyl Canaj, si dhe Drejtoreshën e Unionit të Bashkive Shqiptare në Rajon, znj. Andriola Kambo, të cilëve u shprehëm mirënjohjen tonë të veçantë për vizitën dhe mbështetjen e vazhdueshme ndaj arsimit dhe të rinjve.
Takimi u zhvillua me rastin e fillimit të zbatimit të një projekti inovativ, i mbështetur nga Unioni i Bashkive Shqiptare në Rajon dhe i monitoruar nga Ambasada e Republikës së Shqipërisë në Serbi. Para nxënësve u prezantua qëllimi dhe rëndësia e projektit, i cili synon zhvillimin e njohurive digjitale dhe aftësive praktike në fushën e programimit.
Gjatë takimit u theksua se ky projekt është një mundësi konkrete për të rinjtë e Bujanocit që të përgatiten për sfidat e së ardhmes, me mbështetjen e vazhdueshme të institucioneve lokale dhe partnere.
Nga shërbimi i shkollës.
