Biblioteka Fan S. Noli me aktivitete të nduarndurshme promovuese
Nga muaji maj Biblioteka e Qytetit në Gjilan, ka filluar promovimin e autorëve gjilanas.
Sipas drejtorit të Bibliotekës, Qazim Azizi, kjo nismë ka ardhur me qëllim që lexuesi nga Gjilani e Anamorava dhe më gjërë të njihen më për së afërmin me autorët që kanë lënë gjurmë të theksuara, si në krijimtari ashtu edhe në shkencat albanologjike, por edhe në arsimimin dhe edukimin e brezave të tërë në Gjilan e më gjërë”.
Sipas drejtorit Azizi, fillimisht deri më tani janë promovuar veprat e autorëve, Prof. Dr. Baftijar Kryeziu e Dr. Faik Shkodra, Emin Krasniëi etj, dhe letrarë tjerë me botimet e tyre nga ARS Club “Beqir Musliu”, përfshirë krijimtari të autorëve të ndryshme me veprat nga fusha e letërsisë e fusha tjera.
Ky trend sipas drejtuesit të bibliotekës, do të vazhdojë edhe më tej, përgjatë rrjedhës së vitit kalëndarik, veçmas në periudhën e pushimeve verore kur priten të vijnë për pushime bashkatdhetarët me fëmijët e tyre.
E kur bëhet fjalë për ardhjes e bashkatdhetarëve, biblioteka “Fan S. Noli” ka parapa edhe një varg aktivitetesh tjera, të cilat do ta karakterizojnë pikërisht periudhën e muajve korrik e gusht. Aty është parapa të ftohen me ftesë të hapur e femijët për lexim letrar.
Në këto evenimente të parapara, sipas drejtorit Azizi, të gjithë fëmijëve do t’u mundësohet që përmes klubit të leximit të deklamojnë e prezantojnë në gjuhë të ndryshme, i cili aktivitetet do të përcillet dhe do të përfshijë edhe komentime e bashkëbisedime, varësisht nga gjuha të cilën fëmijët flasin, sdhe vendet ku ata jetojnë e veprojnë, prej nga edhe vijnë…
Në vazhdën e këtyrë aktivitëtëvë, drejtori Azizi theksoi se biblioteka ka parapa edhe aktivitete tjera, duke përfshirë si më të rëndësishëm, paraqitjen dixhitale të autorëve të vendlindjes.
