Beyonce mbështet demokratët! Kënga “Freedom” e artistes do të përdoret për fushatën presidenciale të Kamala Harris
Zëvendës Presidentja amerikane Kamala Harris ka siguruar lejen e përdorimit për fushatën e saj presidenciale, të këngës “Freedom” nga Beyonce.
Siç dihet, Beyonce ka pasur gjithnjë rregulla strikte të përdorimit të këngëve të saj, teksa Harris bëri një hyrje të madhe zyrtare në selinë e fushatës së saj, mbrëmjen e së shtunës, duke përdorur këngën ‘Freedom’ të Beyonce.
Artistja nuk ka dalë publikisht në mbështetje të kandidaturës së Kamala Harris, por lejimi i përdorimit për fushatë të këngës së saj patjetër që do të thotë shumë përkrahje nga ana e saj.
Ndërkohë, nëna e Beyonce, Tina Knowles, dha mbështetjen e saj për Harris menjëherë pas njoftimit të largimit të Biden, ditën e diel.
“Rinore, e mprehtë, me energji! Duke lënë mënjanë egon personale, fuqinë dhe famën. Ky është përkufizimi i një udhëheqësi të madh. Faleminderit President Biden për shërbimin dhe udhëheqjen tuaj. Përpara Zëvendës Presidente Kamala Harris për Presidente!”, shkruan e ëma e këngëtares Beyonce në faqen e saj në Instagram.
Artistja ka qenë gjithmonë përkrahëse e demokratëve.
Në vitin 2013 ajo këndoi himnin kombëtar në inaugurimin e Presidentit Barack Obama.
Në vitin 2016, Beyonce së bashku me Jay-Z, kryesuan në një koncert parazgjedhor për Clinton në Cleveland.
Në vitin 2020, ajo ‘miratoi’ biletën Biden-Harris, përmes një postimi inkurajues në Instagramin e saj.
