“Bëra vetëm detyrat”, Berisha zbulon ç’ndodhi në fushë: S’më linin tifozët tanë të dëgjoja, po flisja me gjeste me shokët
Etrit Berisha ka folur pas barazimit 1-1 të Kombëtares kundër Çekisë.
“Të them të drejtën kemi bërë një ndeshje shumë të mirë. E dinim që do kishim kundërshtar të fortë fizikë. Bëmë mirë detyrat. Nuk kam kritikuar shokët e skuadrës, vetëm kam dhënë sugjerime. Kishte tifozë tanë që nuk na linin të dëgjonim, ndaj bëja me gjeste. Sot ishte një ndeshje e mirë. Mund të kishim fituar edhe me pak fat. Duhet të përgatitemi shumë për ndeshjen e ardhshme. Aty luhet një pjesë e madhe e kualifikimeve.
Pritja? – Për mua është gjithmonë ndjenja më e mirë të luaj me Kombëtaren. Kam pasur një periudhë jo shumë të mirë. Jam i lumtur tani sepse gjërat kanë ndryshuar. Gjërat po shkojnë shumë mirë. Po jap maksimumin. Ndihem shumë mirë. Është rrugë e gjatë për t’u bërë. Tani të mendojmë vetëm për ndeshjen e radhës”, tha ai.
