Audi zbulon ngjyrat dhe makinën për debutimin historik në Formula 1 në vitin 2026
Audi ka prezantuar në Mynih dizajnin dhe ngjyrat zyrtare të makinës së saj të parë në Formula 1, me të cilën do të debutojë në sezonin 2026.
Pas blerjes së ekipit Sauber, prodhuesi gjerman po zhvillon një projekt të plotë nga e para — me motorin që prodhohet në Neuburg dhe makinën në Hinwil.
Ngjyra dominuese e makinës është titani, që simbolizon traditën gjermane të “argjendit të garave”, ndërsa detajet e kuqe sinjalizojnë një epokë të re për markën me katër unaza.
Sponsorët kryesorë do të jenë Revolut, Adidas dhe BP, që do të bashkëpunojnë me Audin në zhvillimin e karburanteve të qëndrueshme për rregullat e reja të F1.
Makina e re është më e shkurtër, më e ngushtë dhe më e lehtë, me aerodinamikë të përmirësuar dhe një motor me mbi 540 kuaj fuqi.
Me këtë projekt gjigant, Audi synon që brenda pak viteve të bëhet një nga skuadrat më konkurruese në Formula 1, duke ndjekur traditën fituese që e ka shoqëruar në çdo disiplinë të garave automobilistike.
Unveiling Audi's R26 Concept design in Munich! ✍️✨#F1 pic.twitter.com/Md6RWzfT7C
— Formula 1 (@F1) November 12, 2025
