Artistë nga Kosova përfaqësojnë dinjitetshëm artin shqiptar në Festivalin Ndërkombëtar në Turqi
Katër artistë nga Kosova kanë përfaqësuar artin shqiptar në Festivalin Ndërkombëtar të Artit në Niğde, Turqi, për vitin 2026.
Fehmi Hoxha – Feho, Skender Boshtrakaj, Refki Gollopeni dhe Hajrush Fazliu prezantuan veprat e tyre në këtë ngjarje kulturore, duke dëshmuar vlerat e krijimtarisë kombëtare në një platformë globale.
Sipas prof. Hajrush Fazliu, pjesëmarrja e tyre përbën një bashkëdyzim të përvojës, talentit dhe identitetit kulturor shqiptar. “Ky prezantim nuk ishte vetëm një ekspozim individual, por një akt përfaqësimi i kulturës sonë,” theksoi ai.
Përmes veprave, artistët sollën frymën e Kosovës, historinë dhe vizionin bashkëkohor në skenën ndërkombëtare, duke afirmuar artin shqiptar si pjesë të pandashme të kulturës botërore.
Festivali shërbeu edhe si urë lidhëse mes popujve dhe dëshmi e dialogut artistik që kapërcen kufijtë.
Bashkëpunimi artistik ndërmjet Kosovës dhe Turqisë, nën organizimin e Serkan dhe Necmi, synon të forcojë lidhjet kulturore, të nxisë shkëmbimin e ideve dhe të hapë horizonte të reja për projekte të përbashkëta në të ardhmen.
