Arrestohet i dyshuari për “Kanosje” Gjilanit
Gjilan, 17 maj 2024 – Drejtoria Rajonale e Policisë Gjilan, Njësiti i Hetimeve të Stacionit Policor Gjilan si rezultat i një pune mirë të organizuar operacionale dhe veprimeve të shpejta hetimore ka arritur që me datën 16 maj 2024, përmes rrugëve të veçanta hetimore, me urdhëresë të lëshuar nga Gjyqtari i Procedurës Paraprake, në bashkëpunim me njësinë e hetimeve Rajonale në Gjilan, kanë arritur ta lokalizojnë dhe arrestojmë të dyshuarin M. G.(1983) në Prishtinë.
Më datë 15 maj 2023 i dyshuari M.G. (1983) ishte arratisur nga qendra korrektuese në Gjilan dhe nga ajo kohë deri më sot, i dyshuari përmes telefonit dyshohet se e ka kanosur ish bashkëshorten dhe vllaun e saj ku janë hapur dy raste “Kanosje”.
Pas arrestimit është kontrolluar në trup i dyshuari dhe te i njëjtit i është gjetur me vete një sasi e dyshuar narkotike, (e cila dyshohet te jete hashash me peshe te përgjithshme prej 38. 92 gr.) .
Pas intervistimit të të dyshuarit me urdherin e Prokurorit të Prokurorisë Themelore në Gjilan i dyshuari është ndalur në mbajtje për 48 orë.
Ndaj të dyshuarit rëndojnë tri vepra penale:
1. Arratisje nga Burgu
2.Kanosje
3. Kanosje
Rastet veç e veç me Kallëzim penal dërgohet në Prokurorin e shtetit Gjilan .
