Arbër Ismajli takon dy nëndegët e LDK-së së Malishevës, Malishevës së epërme dhe të poshtme
Kandidati i LDK-së për kryetar të Komunë së Gjilanit, Arbër Ismajli, ka takuar përfaqësuesit e dy nëndegëve të LDK-së në Malishevë – ata të Malishevës së Epërme dhe përfaqësuesit e Malishevës së Poshtme.
Ai ka shkruar në rrjete sociale se temë diskutimi ka qenë mobilizimi, bashkëpunimi dhe hapat konkret që do t’i ndërmarrë në fushatën zgjedhore, e cila fillon zyrtarisht më 13 shtator.
“Kënaqësi e veçantë të takohem me kryesitë e Nëndegës Malisheva e Epërme dhe Nëndegës Malisheva e Poshtme”, ka shkruar Ismajli.
Ai ka falënderuar pjesëmarrësit, duke vlerësuar lart përkushtimin e këtij tradicional të kësaj treve e këtij fshati.
“Një falënderim i veçantë për pjesëmarrjen dhe përkushtimin e tyre të veçantë. Malisheva gjithmonë ka qenë vatër e dijes dhe atdhedashurisë. Kanë dhënë intelektualë të shquar e patriotë që kanë kontribuar me mish e shpirt për lirinë dhe ndërtimin e Republikës. Kjo traditë është krenaria jonë e përbashkët”, ka vijuar Ismajli.
“Edhe sot, Malisheva konfirmoi se mbetet e angazhuar me zemër të madhe për Gjilanin dhe për të ardhmen e tij. Dy Malisheva, një zemër, një ritëm, një dashni. Bashkë për Gjilanin, përgjithnjë”, ka përfunduar Ismajli.
