Arbër Ismajli përkujton afaristin e ndjerë, Basri Bejtullah Kqiku
Kandidati i LDK-së për kryetar të Gjilanit, Arbër Ismajli ka përkujtuar me një postim në rrjete sociale afaristin e njohur gjilanas, Basri Bejtullah Kqiku, i cili ka ndërruar jetë 3 vite më parë.
“Sot, në 3 vjetorin e ndarjes nga jeta, kujtojmë me nder dhe krenari afaristin dhe humanistin e mirënjohur gjilanas, Basri Bejtullah Kqiku”, ka shkruar fillimisht z. Ismajli.
Më tej z. Ismajli ka vlerësuar lart personalitetin e të ndjerit, duke e cilësuar shembull të punës e atdhdashurisë.
“Ai do të mbetet shembulli më i mirë i punës, përkushtimit dhe atdhedashurisë për njerëzit. Humanizmi i tij la gjurmë që nuk shlyhen kurrë për qytetin tonë. U prehtë në paqe, kujtimi për të do të jetojë gjithmonë”, ka përfudnuar postimin e tij dedikues, Arbër Ismajli.
