Ansambli “Gjilani” prezanton autenticitetin e autoktonisë kulturore shqiptare në Izmir të Turqisë
Përmbledhje nga aktivitetet e Ansamblit “Gjilani” në Izmit – Ballkani Fest 2025
Sot, Ansambli “Gjilani” u paraqit me sukses në skenën e festivalit ndërkombëtar “Ballkani Fest 2025” në qytetin e Izmitit, Turqi, përballë një audience të gjerë dhe ndërkombëtare, duke përfaqësuar me krenari kulturën dhe traditën shqiptare nga Kosova.
Në kuadër të këtij aktiviteti, zhvilluam edhe një takim të ngrohtë me Kryetarin e qytetit të Izmitit, i cili na priti me shumë respekt dhe mikpritje. Me këtë rast, ai ndau mirënjohje për përfaqësuesit e grupeve pjesëmarrëse.
Në emër të ansamblit , ne i dhuruam me krenari flamurin e Republikës së Kosovës dhe simbolin kombëtar – plisin shqiptar. Këto u pritën me respekt të madh nga Kryetari, si shenjë e miqësisë dhe bashkëpunimit kulturor ndërmjet popujve tanë.
Shpresojmë që në ditët në vijim t’ju mbajmë të informuar për të gjitha aktivitetet tona në kuadër të këtij festivali.
“Faleminderit për përkrahjen dhe besimin! – Me respekt, Ansambli “Gjilani”, shkruan faqja zyrtare e këtij Ansambli në njoftimin publik.
