Fakulteti i Edukimit në UKZ mbajti takim pune për procesin e riakreditimit të programeve studimore
Në Fakultetin e Edukimit të Universitetit Publik “Kadri Zeka” në Gjilan u mbajt një takim pune me stafin akademik dhe administrativ, i thirrur nga u.d. dekania, Prof. Asoc. Dr. Nerxhivane Krasniqi, me qëllim të diskutimit dhe koordinimit të aktiviteteve që lidhen me procesin e riakreditimit të programeve studimore të fakultetit.
Gjatë takimit u trajtuan çështje të rëndësishme që kanë të bëjnë me përgatitjet për riakreditimin e programeve, përmbushjen e standardeve të cilësisë, dokumentacionin e nevojshëm dhe angazhimet konkrete të stafit në këtë proces.
U.d. dekania, Prof. Asoc. Dr. Nerxhivane Krasniqi, theksoi rëndësinë e bashkëpunimit dhe përkushtimit të të gjithë stafit për të siguruar një proces sa më të suksesshëm të riakreditimit, duke vlerësuar se cilësia akademike dhe përmirësimi i vazhdueshëm i programeve studimore mbeten prioritete të Fakultetit të Edukimit.
Pjesëmarrësit diskutuan hapat e mëtejmë, afatet kohore dhe detyrat specifike që duhet të realizohen në kuadër të procesit të riakreditimit, duke shprehur gatishmërinë për të kontribuar në përmbushjen e kërkesave dhe standardeve të përcaktuara.
