Afër 60 mijë qytetarë kanë votuar deri në orët e paradites
Sipas të dhënave të fundit të publikuara nga Komisioni Qendror i Zgjedhjeve (KQZ), deri më tani kanë votuar 59,768 qytetarë, që përbën 3.05 për qind të votuesve me të drejtë vote.
Të dhënat janë përpunuar nga 2,444 vendvotime në nivel vendi. Sipas KQZ-së, pjesëmarrja më e lartë në votime është shënuar në komunat veriore të Kosovës, ndërsa pjesëmarrja më e ulët deri në këtë fazë të procesit është regjistruar në komunën e Dragashit.
Procesi i votimit po zhvillohet në të gjitha komunat e Kosovës pa pengesa të raportuara, ndërsa KQZ-ja pritet të publikojë gjatë ditës përditësime të reja lidhur me daljen e qytetarëve në zgjedhje.
