Komisioni konstaton: Rushiti dhe Hoxha i plotësojnë kushtet për Presidente, Haxhiu thirrje opozitës për pjesëmarrje
Komisioni për Legjislacion ka konstatuar se kandidatet Feride Rushiti dhe Hatixhe Hoxha i plotësojnë kushtet për pozitën e Presidentes.
Nënkryetari i Komisionit, Vigan Qorolli, tha se mund të procedohet me votim.
“Komisioni konstaton unanimisht se znj. Feride Rushiti dhe znj. Hatixhe Hoxha i plotësojnë kushtet për Presidente dhe mund të procedohet me votimin”, tha Qorolli.
Ndërkohë, kryeparlamentarja Albulena Haxhiu sërish i bëri thirrje opozitës që të jetë në sallë.
“Edhe njëherë e ftoj opozitën të jetë e pranishme në këtë seancë, sipas obligimeve kushtetuese”, tha Haxhiu.
