Ministria e Kulturës dhe Turizmit – Telegram ngushëllimi për familjen Sherafedin Kadriu
Ministria e Kulturës dhe Turizmit – Telegram ngushëllimi për familjen Kadriu.
E nderuar familja Kadriu,
Me pikëllim të thellë morëm lajmin për ndarjen nga jeta të Sherafedin Kadriut. Një humbje e madhe për kulturën dhe për institucionet tona.
Sherafedin Kadriu, si poet, studiues dhe punëtor i përkushtuar në Qendrën Rajonale për Trashëgimi Kulturore në Gjilan, dha kontribut të çmuar në ruajtjen dhe promovimin e trashëgimisë kulturore, si dhe në jetën letrare e shkencore. Vepra dhe angazhimi i tij do të mbeten të çmuara për kulturën tonë.
Në emër të Ministrisë së Kulturës dhe në emrin tim personal, ju shpreh ngushëllimet më të sinqerta juve, kolegëve, miqve dhe gjithë komunitetit kulturor që e njohu dhe e vlerësoi.
Me respekt,
Saranda Bogujevci
Ministre e Kulturës dhe Turizmit
