Rritja e cilësisë në shëndetësi, Kadriu viziton QMF “Dheu i Bardhë”
Drejtoresha e Shëndetësisë dhe Mirëqenies Sociale në Gjilan, Mimoza Kadriu Qerimi, së bashku me ushtruesin e detyrës së drejtorit të QKMF-së, Basri Kamberi, kanë vizituar Qendrën e Mjekësisë Familjare “Dheu i Bardhë”.
Sipas drejtoreshës Kadriu Qerimi, kjo vizitë është realizuar në kuadër të vizitave që po zhvillohen nëpër qendrat e mjekësisë familjare në komunë, me qëllim të vlerësimit të gjendjes dhe funksionimit të tyre.
Gjatë vizitës, ata janë njoftuar nga afër me punën dhe shërbimet që ofrohen për qytetarët, si dhe kanë diskutuar për planet e ardhshme që synojnë zgjerimin dhe përmirësimin e shërbimeve shëndetësore.
Kadriu Qerimi theksoi se përkushtimi i institucionit që ajo drejton mbetet mbështetja e vazhdueshme për stafin shëndetësor dhe rritja e cilësisë së shërbimeve në kujdesin parësor shëndetësor për të gjithë qytetarët.
