Dekreti për shpërndarjen e Kuvendit në pritje, Qeveria kërkon qartësi të plotë nga Kushtetuesja
Qeveria e Kosovës ka reaguar pas vendimit të Gjykata Kushtetuese e Kosovës për vendosjen e masës së përkohshme lidhur me dekretin për shpërndarjen e Kuvendi i Kosovës.
Përmes një komunikate për media, Qeveria ka bërë të ditur se vendimi i Gjykatës Kushtetuese pezullon zbatimin e dekretit deri në shqyrtimin e plotë të çështjes në merita.
Sipas ekzekutivit, ky vendim krijon hapësirë që çështja të trajtohet në mënyrë të plotë nga Gjykata Kushtetuese, në përputhje me rendin kushtetues dhe parimet e funksionimit demokratik të institucioneve.
Qeveria thekson se situata aktuale ka krijuar një periudhë pritjeje prej disa javësh, gjatë së cilës një sërë marrëveshjesh dhe vendimesh me rëndësi për qytetarët mbeten pa miratim nga Kuvendi.
Në reagim thuhet gjithashtu se ekzekutivi pret që vendimi përfundimtar i Gjykatës Kushtetuese të sjellë qartësi të plotë për këtë çështje dhe të vendosë një standard kushtetues për të ardhmen, në mënyrë që institucionet dhe qytetarët të mos përballen me pengesa të ngjashme.
Komunikata e plotë e Qeverisë
Vendimi i Gjykatës Kushtetuese për vendosjen e masës së përkohshme lidhur me Dekretin për shpërndarjen e Kuvendit pezullon zbatimin e këtij dekreti deri në shqyrtimin në merita të çështjes.
Ky vendim krijon hapësirën që çështja të trajtohet në mënyrë të plotë nga Gjykata Kushtetuese, në përputhje me rendin kushtetues dhe parimet e funksionimit demokratik të institucioneve.
Për tre javë jemi në gjendje pritjeje ndërkohë që një sërë marrëveshjesh dhe vendimesh me rëndësi për qytetarët vazhdojnë të mbeten pa miratimin e Kuvendit.
Qeveria pret që vendimi përfundimtar i Gjykatës Kushtetuese të japë qartësi të plotë mbi këtë çështje dhe të përcaktojë standardin kushtetues që në të ardhmen institucionet dhe qytetarët mos të përballen me këto pengesa serioze.
