Përleshje me thika në Gjilan, 7 të përfshirë – rasti cilësohet “Vrasje në tentativë”
Një përleshje e rëndë me mjete të ftohta ka ndodhur mbrëmjen e 28 shkurtit 2026 rreth orës 22:40 në rrugën “Lulishtja” në Gjilan, ku disa persona janë përfshirë në rrahje, duke përdorur edhe thika.
Policia është njoftuar për një rrahje në progres dhe njësitë patrulluese së bashku me hetuesit kanë dalë menjëherë në vendin e ngjarjes.
Aty kanë hasur ekipin mjekësor duke trajtuar tre persona të lënduar, ndërsa edhe katër persona të tjerë ishin dërguar më herët në Spitalin Rajonal të Gjilanit.
Sipas informacioneve fillestare, pesë persona kanë pësuar lëndime të lehta trupore dhe pas trajtimit mjekësor janë liruar, ndërsa dy persona kanë pësuar lëndime të rënda nga mjetet e ftohta (thika) dhe janë transportuar në QKUK në Prishtinë, ku ndodhen nën mbikëqyrje policore deri në sqarimin e plotë të gjendjes së tyre shëndetësore.
Në vendin e ngjarjes kanë dalë edhe njësitë rajonale të hetimeve dhe forenzika, të cilat kanë bërë sigurimin dhe ekzaminimin e vendit të ngjarjes.
Në konsultim me Prokuroren kujdestare, rasti është iniciuar si “Vrasje në tentativë” dhe “Pjesëmarrje në rrahje”.
Pesë të dyshuarit – D. E., D. E., B. Q., A. H. dhe D. H, – pas intervistimit janë ndaluar në Qendrën e Ndalimit.
Hetimet për zbardhjen e plotë të rrethanave dhe përgjegjësive individuale.
