𝐌𝐢𝐧𝐢𝐬𝐭𝐫𝐢 𝐌𝐚𝐪𝐞𝐝𝐨𝐧𝐜𝐢 𝐩𝐫𝐢𝐭𝐢 𝐧ë 𝐭𝐚𝐤𝐢𝐦 𝐤𝐨𝐧𝐠𝐫𝐞𝐬𝐢𝐬𝐭𝐞̈𝐭 𝐌𝐢𝐤𝐞 𝐓𝐮𝐫𝐧𝐞𝐫 𝐝𝐡𝐞 𝐃𝐨𝐧𝐚𝐥𝐝 𝐍𝐨𝐫𝐜𝐫𝐨𝐬𝐬

Ministri në detyrë i Mbrojtjes, Ejup Maqedonci, priti sot në takim delegacionin e SHBA-së të kryesuar nga kongresistët Mike Turner dhe Donald Norcross, vizita e të cilëve riafirmoi partneritetin e fuqishëm mes Kosovës dhe SHBA-së në fushën e mbrojtjes.

Gjatë takimit u diskutua për thellimin e bashkëpunimit strategjik, përfshirë trajnimet e vazhdueshme të pjesëtarëve të FSK-së në kuadër të programeve ushtarake amerikane, si dhe pjesëmarrjen e Kosovës në ushtrimet Defender Europe, ku në edicionin 2025 , Kosova mikpriti Komandën e Divizionit të 28-të të Këmbësorisë së Ushtrisë së SHBA-së.

Ministri Maqedonci theksoi përkushtimin për modernizimin e kapaciteteve mbrojtëse përmes pajisjeve amerikane, përfshirë sistemet Javelin, nënshkrimin e Marrëveshjes për Mbrojtjen e Informacionit të Klasifikuar dhe CISMOA, si dhe gatishmërinë për zgjerimin e bashkëpunimit në industrinë e mbrojtjes.

Kosova mbetet e vendosur në orientimin e saj euro-atlantik dhe në kontributin e saj për paqe e siguri në Evropë.