Gjilan |”Intelektualët” e FC Drita takohen me “Ballistët” e Tetovës
“Intelektualët” e Gjilanit takim me Ballistet Tetove 1992 (Official).
Në orët e mbrëmjes në Gjilan janë takuar dy ifo-Grupet shqiptare të dy skuadrave që luajnë në Konferencë League, ata të Dritës – “Intelektualët” dhe tifozët e Shkëndijës së Tetovës “Ballistët”.
Ky takim ka ndodhur vetëm dy ditë para ndeshjes së Dritës në Ligën e Konferencës si vendëse ndaj Omonia nga Nikozia, sikurse edhe takimit të Shkëndijës ndaj skuadrës Irlaneze – Shelbourne, ndërsa sipas kalendarit paraprak në muajin e ardhshëm skuadrat e dy tifo-grupeve, do të zhvillojnë ndeshjen e ndërsjellë në “Fadil Vokrri” në Prishtinë.
Ndonëse nuk janë bërë të ditura detajet e takimit dhe arsyet për të cilat është realizuar takimi, fakti që dy skuadrat shqiptare luajnë për herë të parë në këtë fazë të kompeticionit tashmë prestigjioz të garave – Europa Konferencë League – mbase “mes rreshtash” mund të lexohet pos tjerash edhe si një parapërgatitje për mënyrën e organizimit të takimit të ndërsjellë Drita – Shkëndija.
Përpos kësaj tifo-grupet tashmë të kultivuara e të mishëruara me futbollin, mund të jenë dakorduar edhe për aspekte rrethanore që lidhen me vet sportin më të popullarizuar planetar dhe nevojën e mbushjes së stadiumeve tona si imperative e domosdoshmëri për të përcuar gjithandej mesazhin e dashurisë së zjarrtë ndaj futbollit në gjeografinë shqiptare e më gjërë.
Porse, shumë shprejt pritet të bëhen të ditura edhe arsyet tjera të takimit dhe temat e diskutuara, të cilat ende nuk janë bërë publike.
