“Peneli i deportuar kthehet si feniks” – Shkruan: Kuratori i ekspozitës, Avni Xh. Behluli

Ishte kënaqësi të bashkëpunoja me krijuesin z. Zeqirja Rexhepi, rreth përgaditjes së kësaj ekspozite.

Mbreme ne Galerine e Arteve ne Gjilan, në një atmosferë feste, me ekspozitë retrospektive, në shenjë të 70-vjetorit të lindjes dhe 45-vjetorin e krijimtarisë, shpërfaqë 45 vepra arti, piktori gjilanas që jeton në Kanada, z. Zeqirja Rexhepi.

Në këtë ekspozitë, piktori Rexhepi na sjell një pjesë të kujtesës historike, dhëmbjes dhe krenarisë shqiptare.

Ekspozita nuk përqonte vetëm harmoninë e ngjyrave, formave e metaforave, por edhe një pjesë të shpirtit të tij, nëpër të cilën përjetoi populli i Kosovës gjatë luftës së viteve 1998/99.

Këto përjetime piktori Rexhepi i shpërfaqi përmes komponenteve figurative në tablot e tij, duke përshkruar në formën më bashkëkohore këto imazhe dhëmbjeje e krenarie.

Piktori Zeqirja Rexhepi, është piktor kërkues i shprehjeve dhe mediume bashkëkohore, i cili i qëndron besnik figuracionit në hapësirë, duke krijuar lojën e subjekteve me format tjera për ta përmbyllur ngjarjen në fjalë.

Narrativa e gjithë këtyre veprave, shpërfaqë emocione, ndjeshmerinë e shpirtin të trazuar të artistit, në mes të dy periudhave: Para viteve 1999, ku përfshinë jetën e tij në Kosove, dhe asaj në Kanada, e të gjitha këto ndërtojnë një jetë të tërë të artistin Zeqirja Rexhepi