Filluan provat e para të shfaqjes më të re të Teatrit të Gjilanit – “Gënjeshtra” nga Florian Zeller, në regji të Ekrem Sopi!
Teatri i Qytetit të Gjilanit ka filluar me provat për shfaqjen “Gënjeshtra”, tekst i autorit Florian Zeller.
Lajmin e ka bërë të ditur faqja zyrtare e teatrit, duke nënvizuar se kjo shfaqje do të vie me tekst të autorit F. Zeller, si vazhdimësi e suksesshme e një teksti të tij dramatik, “E vërteta”, të inskenuar praprakisht kohë më parë në këtë teatër.
“Sot ishte nje provë shumë produktive, e cila është karakterizuar me procesin e zbërthimit të tekstut të dramës”, ka thënë fillimisht regjisori I shfqjes, Ekrem Sopi, në një prononcim të tij për TV Gjilani.
E në këtë proces zbërthimi, e cila ka qenë njëherit provë e parë, aktorët kanë qenë jashtëzakonisht të kënaqur, ka shtuar Sopi, duke nënvizuar se Autori Florian Zeller është ndër dramaturgët më të shquar, veprat e të cilit janë nga më të kërkuarat për t’u inskenuar sot, në skenën teatrale në mbarë botën.
P O S T I M I I P L O T Ë
Filluan provat e para të shfaqjes më të re të Teatrit të Gjilanit – “GËNJESHTRA” nga Florian Zeller!
Regjia: Ekrem Sopi
Aktorë: Gani Rrahmani, Qendresa Jashari, Alban Shahiqi, Safete Mustafa Baftiu
Premiera: Qershor 2025
Teatri i Gjilanit
Skenograf: Dhurim Ismaili – Dajki, Kostumografe: Leudita Hyseni
Asistene e regjisë: Natyrë Kallaba
