Hapet aplikacioni për artistët e vegjël, qendra “Mollëkuqet” merr pjesë në festivalin “Tallin Voice 2025”
Është hapur aplikacioni për artistët e vegjël, qendra “Molëkuqet” merr pjesë në festivalin “Tallin Voice 2025”, mundësi e mirë për artistët e vegjël të muzikës në rrafshin ndëkombëtar
Qendra Kulturore Artistike “Mollëkuqet” ka kënaqësinë të njoftojë se ka pranuar ftesë për të qenë pjesë e Festivalit Ndërkombëtar “Tallin Voice 2025”, në Estoni, i cili do të zhvillohet më 03-04 Maj 2025, shkruan faqja zyrtare e qendrës “Mollëkuqet”, raporton Tv Gjilani .
Sipas njoftimit, afati për aplikim është deri më 25 prill 2025.
“Të gjithë të interesuarit që dëshirojnë të marrin pjesë dhe të përfaqësojnë shtetin e tyre në këtë festival janë të ftuar të bashkohen me delegacionin e Qendrës Kulturore Artistike “Mollëkuqet””, njofton më tej faqja.
Sic mësohet, në krye të delegacionit do të jetë drejtoresha znj. Arta Haziri-Nuhiu, e cila gjithashtu do të jetë pjesë e jurisë profesionale të festivalit “Tallin Voice”.
Për të marrë më shumë informacion ose për t’u regjistruar mund të na kontaktojnë në numrin: 048 511-294. Ejani dhe bëhuni pjesë e këtij festivali të mrekullueshëm!
